ကျွန်တော်သည် ဆေးတက္ကသိုလ်(၁)၊ရန်ကုန်မှဘွဲ့ရရှိတဲ့သူတစ်ဦးဖြစ်ပါတယ်။ လက်ရှိမှာတော့ Digital Health Care Service မှာ Medical officer အဖြစ်လုပ်ကိုင်နေပြီး Manulife Myanmar တွင်လည်း Unit Manager နှင့် အာမခံအကြံပေးသူတစ်ယောက်အဖြစ်လုပ်ကိုင်လျက်ရှိပါတယ်။ ကျွန်တော့်အမေသည် ကင်ဆာရောဂါခံစားနေရသူတစ်ဦးဖြစ်သော‌ကြောင့် Covid ကာလအတွင်းတွင် အမေ့ကျန်းမာရေးကို အလွန်စိုးရိမ်သည့်အတွက် အိမ်မှနေ၍ အလုပ်လုပ်ရခြင်းကို နှစ်သက်သလို Manulife မှ ခွင့်ပြုပေးသောကြောင့် August 2020 မှာ Manulife Myanmar ကိုဝင်ရောက်လုပ်ကိုင်ခဲ့ခြင်းဖြစ်ပါသည်။ ကျွန်တော့်ရဲ့အိပ်မက်ကတော့ တစ်ချိန်က ကလေးအထူးကုဆရာဝန်တစ်ယောက်ဖြစ်ချင်ခဲ့ပေမယ့် လက်ရှိမှာတော့ အာမခံလုပ်ငန်းအကြောင်းကိုကျယ်ပြန့်စွာသိသွားခဲ့တဲ့နောက်မှာ အသက်အာမခံထားရှိခြင်းဖြင့် မိသားစုဝင်ငွေရှာဖွေနေရသူအတွက် မိသားစုဝင်များနှင့်ချစ်တဲ့သူတွေအပေါ် စိတ်အေးချမ်းလုံခြုံမှုပေးစွမ်းနိုင်တာကိုသိရပါတယ်။ ကျွန်တော်တို့အားလုံးသည် တစ်နေ့ ဘယ်အချိန် ဘယ်နေရာမှာ ဘယ်လိုသေဆုံးမည်ဆိုတာမသိသည့်အတွက် Covid ကဲ့သို့ အခြေအနေကြုံတွေ့လာတဲ့ကာလမှာ မိမိချစ်ရတဲ့သူတွေအပေါ် လုံခြုံမှု အကာအကွယ်ပေးစွမ်းဖို့ အသက်အာမခံထားရှိဖို့လိုအပ်ပါတယ်။ ကျွန်တော်သည် ဆေးရုံဆေးခန်းတွေမှာ လူနာတွေနဲ့မြင်ဖူး၊ကုသမှုပေးဖူးသလို ကျွန်တော့်အမေကိုယ်တိုင်လည်း ရင်သားကင်ဆာရောဂါခံစားနေရသူတစ်ဦးဖြစ်တဲ့အတွက် ကျွန်တော်ချစ်ရတဲ့သူတွေရဲ့ ကျန်းမာရေးအခြေအနေနှင့်ငွေကြေးဆိုင်ရာ အခက်အခဲများရဲ့ စိုးရိမ်ပူပန်မှုပြဿနာများကို ကိုယ်ချင်းစာနားလည်ပါတယ်။ ဒါ့ကြောင့် ကျွန်တော်တို့ချစ်ရတဲ့မိသားစုနဲ့ လူသားတွေကို ကူညီကာကွယ်ဖို့ ငွေကြေးဆိုင်ရာအကြံပေးခြင်း အလုပ်အကိုင်ကို လုပ်ကိုင်ဖို့ဆုံးဖြတ်လိုက်တာဖြစ်ပါတယ်။